კომპანია „თელასმა“ 2024 წლის პირველი კვარტალის ოპერაციული მაჩვენებლები გამოაქვეყნა. ანგარიშის მიხედვით, თბილისის აბონენტების მიერ მოხმარებული ელექტროენერგია წლიურად 5.5%-ით არის გაზრდილი. ასევე გაზრდილია კომპანიის აბონენტების რაოდენობაც.
“2024 წლის პირველ კვარტალში კომპანია „თელასმა“ 0,975 მილიარდი კვტ*სთ ელექტროენერგია გაანაწილა, რაც 5,5% (51 მილიონი კვტ*სთ-ით) აღემატება 2023 წლის პირველ კვარტალში განაწილებული ელექტროენერგიის მოცულობას. აღნიშნული მატება ქვეყანაში ეკონომიკური აქტივობისა და ახალი აბონენტთა რაოდენობის ზრდამ განაპირობა.
სს „თელასის“ აბონენტთა რაოდენობა 2024 წლის მარტის მონაცემებით 2023 წლის ამავე პერიოდთან შედარებით 3,6%-ით (26,2 ათასი აბონენტით) გაიზარდა და 756,2 ათასი აბონენტი შეადგინა, საიდანაც 677,7 ათასი – ფიზიკური პირია, ხოლო 78,5 ათასი – იურიდიული პირი,”- ნათქვამია კომპანიის მიერ გამოქვეყნებულ ინფორმაციაში.
თელასის ინფორმაციით, მათ ქსელის რეაბილიტაციის სამუშაოების შედეგად, ელექტროგადამცემი ხაზების საერთო სიგრძე წინა წელთან შედარებით 200 კილომეტრით, ანუ 3%-ით გაზარდეს.
ლენტეხის მუნიციპალიტეტში, მდინარე ცხენისწყალზე 22 მგვტ დადგმული სიმძლავრის ჰიდროელექტროსადგურის – “ცხენისწყალი 1 ჰესის” მშენებლობა მიმდინარე წელს დაიწყება. როგორც პროექტის განმახორციელებელი კომპანიის –…
თიბისი კაპიტალმა გაცვლითი კურსის ბიზნეს-ეკონომიკის სერიიდან პირველი პუბლიკაცია გამოაქვეყნა, რომელიც ძირითადად საცხოვრებელი უძრავი ქონების სექტორში პროექტების დაფინანსების ოპტიმალური სტრუქტურის გაანგარიშებას ეხება. სხვადასხვა ქვეყნის…
2024 წლის პირველ ნახევარში საქართველოში ჩინეთიდან ავტომობილების იმპორტი გაორმაგდა – აღნიშნულ პერიოდში საქართველოში სულ $22 მილიონი დოლარის ღირებულების ავტომობილების იმპორტი განხორციელდა,…